კატალონიის "ბარსელონას” თავდამსხმელმა ლიონელ მესიმ, მადრიდის "რეალთან”
კოპა დელ რეის პირველი მატჩის (1:1) შემდეგ, მცველი ალვარო არბელოა და
მთავარი მწვრთნელის თანაშემწე აიტორ კარანკა გამოლანძღა.
მესისა და არბელოას ინციდენტის შესახებ გადაცემა Punto Pelota-ში
გაჟღერდა. არგენტინელმა ესპანელი "სანტიაგო ბერნაბეუს” ავტოფარეხში მოძებნა
და იდიოტი უწოდა. იმ მომენტში, არბელოა ცოლთან ერთად იმყოფებოდა.
ტელეარხი La Sexta და რადიოსადგური La COPE კი, მესისა და კარანკას
ინციდენტის შესახებ იუწყებიან. მათი ინფორმაციით, მატჩის დასრულების
შემდეგ, მესი კარანკასთან მივიდა და "მოურინიოს თოჯინა" უწოდა.
